သူမကိုသုဒ္ဓ္ဓကိန်းထဲထည့်ထားပါ

သူမကိုသုဒ္ဓ္ဓကိန်းထဲထည့်ထားပါ

August 12, 2013 at 2:49am

ကျွန်တော်က တစ်ခြမ်း .... သူက တစ်ဝက်
တစ်ခြမ်းမှာက ဒဏ်ရာနဲ့
တစ်ဝက်မှာက မျှော်လင့်ချက်နဲ့
ဘယ်လိုပဲဖြစ်ဖြစ်လေ
ပေါင်းလိုက်တော့ ပြည့်စုံနေတာပဲမဟုတ်လား ...

ရေပေါ်ပလက်ဖောင်းလေးတစ်ခု
ရေပန်းတွေ ရောင်စုံမီးတွေနဲ့ပေါင်းထားတယ်
သူမရဲ့အပြုံးနဲ့ ကျွန်တော့်ပီတိ ပေါင်းထားတယ် ...
သူမရောကျွန်တော်ရော ကြည်နူးစွာ လွင့်မျောနေတယ်
 What a wonderful world သီချင်းက
ကျွန်တော့် ဘ၀ရဲ့ မှတ်ဥာဏ်တွေထဲက တစ်ခု

ကျွန်တော်တို့ကြားမှာ အချိန်နာရီတွေ လွဲတယ်
ရာသီဥတုတွေကွဲတယ် ... သောက်သုံးရတဲ့ ရေတွေကွဲတယ်
ကျွန်တော်တို့ အချစ်ဆိုတာကို ကွဲလွဲစွာ ယုံကြည်တယ်
ဖုန်းထဲက 3D ကြောင်ရုပ်လေးကလည်းကွဲလွဲစွာ
ကဗျာရွတ်ပေးခဲ့ဖူးတယ် …

ဘ၀ကိုအမေကပေးတယ်
အနာဂတ်ကိုသူမကပေးတယ်
အမေ့ရှေ့ မှာလည်း ခုထိလူစဉ်မမှီသလို
သူမရှေ့ မှာလည်း ခုထိ ဥာဏ်ရည်မမှီသေးဘူး

လက်ထဲလင်းနေတဲ့ကြယ်တွေအကြောင်းပြောတော့
သူ့ ကို အိပ်မက်တစ်ခုအကြောင်းပြောပြမိတယ်

ကျွန်တော့်အိပ်ယာပေါ်မှာ အပင်တစ်ပင်ပေါက်လာတယ်
ကျွန်တော်သိတယ် သူမအတွက်
အသီးတွေသီးမဲ့အပင်ဆိုတာ
သူမအတွက်အားတွေ ဖြစ်စေမယ်
သူမကို သက်တောင့်သက်သာဖြစ်စေမယ်
သူမကို နွေးထွေးစေမယ်
သူမကို ခူးပေးဖို့ ကျွန်တော်လှမ်းတယ်
လက်ကိုလှမ်းတယ် ကျွန်တော့်တစ်ကိုယ်လုံး
ချွေးတွေ ရွှဲလို့ ကျွန်တော် ပြုတ်ကျတယ်
ကျွန်တော် မှောက်ကျတယ်
အခန်းထဲ ... အခန်းထဲ
အခန်းထဲမှာ... ကျွန်တော်တစ်ယောက်တည်း
သူမစိတ်နဲ့ ချွေးတွေနဲ့ ပြီးတော့
အပင်တစ်ပင် ၊ အသီးတစ်လုံးနဲ့
အခန်းထဲမှာ ...
ကျွန်တော့် အခန်းထဲမှာ...

ဟုတ်တယ် ... သူမအတွက် အမြဲလှမ်းနေတာပဲ
အမြဲလောနေတာပဲ ... သူမကဖူးနေတဲ့ပန်းလေးတစ်ပွင့်လို
ပြုံးတာ ... ကျွန်တော်က ပန်းလေးမလန်းလို့ စိတ်ပူနေတဲ့
ပန်းခူးသူ

သူမအတွက်ဆိုတဲ့ အသိက ဒဏ်ရာကို ဒဏ်ရာလို့မမြင်လာတော့ဘူး
မောဟ ကို ဝေဒနာလို့ မမြင်လာတော့ဘူး ...
ဆေးညွှန်းကိုဖတ်ပြီး ဝေဒနာပျောက်ချင်သူတစ်ယောက်လို
ဘေးထွက်သက်ရောက်မှုတွေကို သတိမထားချင်တော့ဘူး

စိတ် ဒီစိတ် ကိုယ့်ကိုဖျက်တာလဲဒင်း
ကိုယ့်ကို ထူထောင်တာလဲဒင်း
ဒီစိတ်ဟာ ပင်လယ်ကိုအိပ်ယာထဲခေါ်လာတယ်
လေယဉ်ကို သံလမ်းပေါ်ပြေးစေတယ်
ကိုယ်ဟာလည်း ဒီစိတ်ကို ခေါ်ပြေးနေတယ်

ဟုတ်တယ် ... သူမဟာ နတ်ဘုရားတွေဆီက ဆင်းလာတဲ့
နူးညံ့မှုနတ်ဘုရားမပဲ ... ဒါမှမဟုတ် သည်းခံမှုနတ်ဘုရားမ
သူကိုယ့်ကို အလံတစ်ဝက်ထူသွားပြီ
ဒါဟာ... တစ်ဘ၀လုံးကျင့်ရမဲ့ ရိုးမြေကျလို့ပဲ မှတ်တယ်

သူမဆီက ၂၂၆ ခါမြောက် ချစ်တယ်ဆိုသည့်စာကိုလက်ခံပြီးနောက်
ချစ်ခြင်းမေတ္တာကလွဲလို့ ဘာကိုမှ မယုံကြည်တတ်တော့ဘူး ...
တကယ်ဆို
သူမဟာ အချစ်ဆိုတာကို နူးညံ့မှုတွေနဲ့ဖော်ကျူးတတ်တဲ့လိပ်ပြာလေးတစ်ကောင်

လိပ်ပြာတစ်ကောင်က တောင်ပံနဲ့ကျွန်တော့်ကိုလာမှားနေတာ
သေချာတာ ဒီပုလင်းထဲ သိမ်းထားတာ ပိုးစုန်းကြူးတွေ မဟုတ်ဘူး
ကိုယ့်ခြေဖ၀ါးတွေ သိမ်းယူသွားတဲ့ ချိုင့်ခွက်တွေ
အလှည့်ကျပေါက်နေတာ သတိရစိတ်ပဲ
ကိုယ်အိမ်ပြန်ချိန်တွေ ယောင်ယောင်တတ်နေပြီ  ...

ကံကြမ္မာက အပေးအယူသိပ်ကျွမ်းတာ ...
ကျွန်တော်တို့ညနေတွေကိုခိုးပြီး ... နှစ်အပိုင်းအခြားတစ်ခုအကြာမှာ
ကျွန်တော်တို့ မနက်ခင်းတွေကိုဖန်တီးပေးမယ်တဲ့

ကျွန်တော် သူမနဲ့ စကားပြောရတာ အနာဂတ်ထဲ  လမ်းလျှောက်နေရသလိုပဲ..
 ပျော်တယ်.....သတိလည်းထားရတယ်.... သတ္တိတွေလည်းရှိလာတယ်။
သူမကို ကဗျာတွေ မရေးစေချင်တော့ဘူး ... ကဗျာကို ပျော်နေတဲ့အချိန်မှာရေးတတ်အောင်
ကျွန်တော်သင်ပေးချင်တယ်။

I'm not a smart man... but I know what love is.
Forrest Gump ကိုသူမ မသိဘူး … စကာင်္ပူဝန်ကြီးကို သူမ မသိဘူး
ဦးဝီရသူကိုဘယ်သူလဲလို့မေးတယ် … အယ်လ်ပီ ဆိုတာ
သူမနာမည်နဲ့ မကွာဘူးလို့ပြောတယ် …
သူမအမေရဲ့ ကျန်းမာရေးကို သူမသိတယ် …
ပရိတ်ကြီး ၁၁ သုတ် ကိုသူမအလွတ်ရွတ်တယ် …
သူမအစားကောင်းတစ်ခုစားနေတိုင်း သူမရဲ့ ချစ်ခင်သူတွေကို
သူမ သတိတရ ရှိတယ် ။
ကျွန်တော့် အိပ်ကပ်ထဲက ဘ၀ကို သူမနားလည်တယ်။

တစ်ခါတစ်လေသူမကို
ကျွန်တော့်အိပ်ကပ်ထဲအကြွေတွေနဲ့ မှားမှားထည့်တယ်

သူမချည်ပေးခဲ့တဲ့ နိုဝင်ဘာဟာ ခုရေခဲတောင်ကြီးဖြစ်လို့
သေချာတယ် ... ဓါတ်ကြီးလေးပါးမှာတော့ တစ်ပါးပါးလျော့နေပြီ

သံယောဇဉ်ဆိုတာကိုအချိန်ကာလ တစ်ခုတည်းနဲ့ တိုင်းတာတယ်ဆိုတာ
ကျွန်တော်လက်မခံသည့်အကြောင်းကိုလည်း သူမကို သိနေပြီ ...
ကျွန်တော်တို့ သံယောဇဉ်ကို ခဏခဏ နေထုတ် လှန်း ဖို့ လိုတယ်
ဆိုတာလည်း သူမသတိတရ ရှိနေပြီ ...

ဘ၀မှာ ဘာမှမရှိတော့တဲ့အချိန်မှာ
ဘ၀အတွက် အရာအားလုံးနီးပါးကို ကျွန်တော်ရခဲ့တယ်။
အဲ့ဒီဘ၀ ... ကျွန်တော်သူမကိုပေးလိုက်တယ် ...

သူမနဲ့ ကျွန်တော်တို့ ကမ္ဘာမှာ ကွက်ကြားမိုးရွာတယ်။
အလွမ်းကတစ်နေရာ အချစ်ကတစ်နေရာ
သူမရော ကျွန်တော်ပါ ရွှဲရွှဲစိုလို့

တခါက သူမ မိုးရေထဲ ဖိနပ်မပါဘူး
သူမလည်ပင်းမှာ လက်စွပ်လေးတစ်ခု
ဆွဲထားတယ်
သူမက ရေဗွက်ထဲဆင်းခါနီး
ကျွန်တော်က သူမကို ကုန်းပိုးလိုက်တယ်
သူမခြေထောက်တွေ စိုရွဲနေတာပဲ
သူမ လက်မောင်းလေး ပြည့်နေတယ်
သူမ ကပြောတယ်

“ ဒီလက်မောင်းလေးတွေ ဖောင်းနေတာ ချစ်သစ္စာရှိလို့”တဲ့
သူမက ကလေးတွေလို မိုးကိုရွာစေချင်နေတယ်
“ မိုးတွေ ရွာရင် တအားပျော်စရာကောင်းမှာပဲ
မိုးရေစိုနေရင် ချစ် အပူအပင်တွေကို မောင့်ဆီမကူးနိုင်တော့ဘူး”တဲ့
သူမ က ကားလမ်းမ အလယ်မှာ
ပလက်ဖောင်းတွေပေါ်မှာ
တက္ကစီ တစ်စီးက သူမကို ကားငှားဖို့လားလို့မေးတော့
သူမက မိုးရွာတဲ့ဆီကိုလိုက်ပို့ပါလို့ပြောတယ်
မိုးတွေ
မိုးတွေ မိုးတွေ ...
“ မောင် ... မိုးဆိုတာ တိမ်တွေပျော်လို့ကျတဲ့ မျက်ရည်သိလား ” ...
“မိုးကိုချစ်သလို တိမ်ကိုလည်းချစ်တယ်” တဲ့
“မောင်လည်း တိမ်တွေကိုချစ်ရမယ်” တဲ့
မိုးတွေ မိုးတွေ
မိုးတွေ
သူမတစ်ကိုယ်လုံး လုံးဝမစိုဘူး
သူမက မိုးရေထဲပြေးနေတာ
မိုးရေထဲပြေးနေတာ
“ မိုးရွာရင် ချစ်ပူတာ မောင်မသိတော့ဘူး”လို့ထပ်ပြောနေတုန်း ...
သူမက ငှက်တွေကိုတစ်ကောင်တည်းမနေစေချင်ဘူး
ငှက်တွေရဲ့ တောင်ပံဟာ သူတို့ရဲ့  ကိုးကွယ်ရာပဲ တဲ့

လူတစ်ချို့ က သူတို့ကိုယ်သူတို့ တောင်ပံပေါက်နေတယ်လို့
ထင်ကြတယ် … သူတို့မှာ တကယ်တမ်းတောင်ပံတွေသာ ရှိနေခဲ့ရင်
သူမ (သို့မဟုတ်) ကျွန်တော် ဟာ အဲ့တောင်ပံတွေ ငှားရမ်းမိမည်သာဖြစ်တယ်။

ကျွန်တော်တို့ တိမ် နဲ့ လေ လို မိုးဖွဲလေးများဖြစ်လာချိန်တွင်
နာရီလက်တံတွေ ဖမ်းမမိလိုက်တဲ့ သံယောဇဉ်တွေ အကြောင်း
အရုပ်ကလေးနဲ့ ကျွန်တော် ဘယ်သူကဘယ်သူ့ကို ပိုချစ်တယ်ဆိုသည့်အကြောင်း
မြင်မြင်သမျှက ဆံနွယ်ကောက်ကောက်လေးတွေချည်းပဲ ဖြစ်နေတဲ့အကြောင်း
နောက်ဖေးကထွက်လာတဲ့ ထမင်းပွဲလေးဟာ
ဧည့်ခန်းမှာ တည်ခင်းလိုက်လို့ အရသာ မပြောင်းသွားစေရတဲ့အကြောင်း
Hera ထံပို့ထားတဲ့ အချက်အလက်တွေကို အကောင်အထည်ဖော်မည့်အကြောင်း
ယနေ့မှစတင်ဝင်ရောက်သည့် သုဒ္ဓ္ဓနှစ်သည် ငှက်တို့ရဲ့  တောင်ပံဖြစ်လာမည့်အကြောင်း
အကြောင်းများကြောင့်
ကျွန်တော် သူမကို သုဒ္ဓ္ဓကိန်းထဲ ထည့်ထားလိုက်တယ်

ကျွန်တော်တို့ကို ဘယ်သူမှ စခွဲလို့ မရတော့ဘူး ...။



                                                                                မောင်အောင်ပြည့်