ကဗျာဆိုင်ရာ မေးခွန်းများအတွဲ (၂)

ကဗျာဆိုင်ရာ မေးခွန်းများအတွဲ (၂)

ကဗျာဟာ တိုးတက်သလား။ ကဗျာမှာ တိုးတက်တယ်ဆိုတာရှိသလား။ ဆုတ်ယုတ်တာကောရှိသလား။ တိုးတက်တာ ဆုတ် ယုတ်တာထက် ပြောင်းလဲသွားတာပဲလား။ ကဗျာပြုလုပ်တဲ့ အခြေခံပစ္စည်းတွေဟာ အသေတွေလား ၊ အစဉ်အမြဲပြောင်းလဲလှုပ်ရှားနေ ကြသလား။ ကဗျာမှာ အသုံးပြုတဲ့ ပစ္စည်းတွေ ဟောင်းနွမ်းသွားရင် ကဗျာဟာ ဆုတ်ယုတ် သွားသလား။ ကဗျာမှာ သုံးတဲ့ ပစ္စည်းတွေ ဆန်းသစ်လာရင် ကဗျာဟာ တိုးတက်လာသလား။ ကဗျာဟာ ကမ္ဘာနဲ့အတူလိုက်ပြောင်းလဲ နေသလား။ ကမ္ဘာနဲ့အတူလိုက်တိုးတက်နေ သလား။ ကဗျာဟာ ကမ္ဘာကို တိုးတက်အောင်လုပ်ပေးနိုင်သလား။ ကဗျာကိုချစ်သင့်သလား။ ကဗျာရေးသူဟာ ကဗျာကိုချစ်ခင်မှုဆီက ကဗျာဈာန်ဝင်စားမှုရရှိသလား။ ကဗျာကို ချစ်ခင်ရတာဟာ စိတ်ပျက်စရာမို့ ကဗျာဈာန်ဝင်စားမှု ရရှိတာလား။ ကဗျာရေးသူဟာ ကဗျာကို ပြောင်းလဲချင်စိတ်ကနေ ကဗျာဈာန်ဝင်စားမှုရရှိတာလား။ ကဗျာရေးသူဟာ စည်းအပြင်ကလူ ဖြစ်သင့်သလား။ စည်းအတွင်းက ကဗျာ ကိုပဲ လက်ခံရေးသားရသလား။ ကဗျာရေးသူဟာ သူသုံးစွဲတဲ့ ကဗျာပစ္စည်းတွေအကြောင်း ဂဃနဏ နားလည်ဖို့လိုသလား။ နားမလည် လည်း ကဗျာရေးလို့ရသလား။ ကဗျာသိပ်မဖတ်ဖြစ်တဲ့ ကဗျာရေးသူဟာ ကဗျာကောင်းတွေ ရေးနိုင်မလား။ ကဗျာမဖတ်ပဲ ကဗျာရေးတာ ရှက်စရာလား။ ရှိရင်းစွဲကဗျာတွေက တမင်မဖတ်တာဟာ ကဗျာကို ပြောင်းလဲဖို့ ထောက်ပံ့သလား။ ဘာဖြစ်လို့ လူတော်တော်များများ ဟာ ကဗျာမဖတ်ကြတာလဲ။ ကဗျာဟာ ဘ၀နဲ့ တိုက်ရိုက်ပတ်သက်မှုမရှိလို့လား ၊ အကျိုးမရှိလို့လား။ ကဗျာကို ဒီလိုမြင်တာဟာ ကဗျာ ရေးသူရဲ့ အပြစ်လား ၊ မဖတ်သူတွေရဲ့ အပြစ်လား။ ကဗျာကောင်းတွေကိုကော လူတွေက ဥပေက္ခာပြုကြသလား။ ညံ့ဖျင်းတဲ့ ကဗျာ အမည်ခံတွေကြောင့် ကဗျာဟာ စိတ်ဝင်စားစရာမကောင်းတော့တာလား။ ကဗျာပေါ်စိတ်ဝင်စားမှုလျော့နည်းလာတာ ကဗျာရေးသူ ကြောင့်လား ၊ ထုတ်ဝေသူကြောင့်လား ၊ အစိုးရကြောင့်လား ၊ လူ့အဖွဲ့အစည်းကြီးတစ်ခုလုံးကြောင့်လား။ အများဖတ်မှ ကဗျာဟာရပ် တည်လို့ရမှာလား။ လေဆိပ်စာအုပ်ဆိုင်တွေမှာ ကဗျာစာအုပ်မတင်တာနဲ့ လေဆိပ်မှာ ကဗျာမရှိတော့ဘူးလား။ ကဗျာဟာ ဟောလီးဝပ်ဒ် နဲ့ ပြိုင်စရာလိုသလား။ လူ့အဖွဲ့အစည်းမှာ ကဗျာလိုအပ်သလား ၊ ကဗျာဆရာတွေလိုအပ်သလား။ ကဗျာဆရာတွေဟာ လူ့အဖွဲ့အစည်း ကို အကျိုးပြုသလား ၊ အနှောက်အယှက်ပေးသလား ၊ ဘယ်ဟာပေးပေးဘယ်လိုပေးသလဲ။ ကဗျာဆရာတွေဟာ လူ့အဖွဲ့အစည်းမှာ အသိအမှတ်ပြုမခံရတဲ့ခေါင်းဆောင်တွေလား။ လူ့အဖွဲ့အစည်းဟာ ကဗျာဆရာတွေကို အသိအမှတ်ပြုသလား။ ကဗျာဆရာတွေဟာ လူ့ အဖွဲ့အစည်းရဲ့ အသိအမှတ်ပြုခံရဖို့လိုအပ်သလား။ ကဗျာရေးသူအချင်းချင်း သီးခြားလူ့အသိုင်းအ၀ိုင်းဖန်တီးသင့်သလား။ ကဗျာရေးသူ အချင်းချင်း ပြိုင်ဆိုင်သင့်သလား။ တစ်ယောက်နဲ့တစ်ယောက်အမှီသဟဲပြုကြသလား ၊ ပြုသင့်သလား ၊ သီးခြားစီနေသင့်သလား။ ကဗျာ ဂိုဏ်းထောင်တာ ဘာအကျိုးရှိသလဲ။ ကဗျာနဲ့ ပတ်သက်လို့တူညီတဲ့ အယူအဆတွေကို ထူထောင်ရင် ဂိုဏ်းဝင်တွေဟာ တစ်ယောက်နဲ့ တစ်ယောက် ဆင်တူဖြစ်မနေဘူးလား။ ဒါဟာဖြစ်သင့်သလား ၊မဖြစ်သင့်ဘူးလား။ ကဗျာအယူအဆငြင်းခုံပွဲတွေဟာ ကဗျာကိုထက်မြက် စေသလား ၊ အာရုံနောက်စရာတွေပဲလား။ အခြားကဗျာရေးသူတွေရဲ့ အသိအမှတ်ပြုခံရမှ ကိုယ်လည်းကဗျာဆရာ/ရေးသူဖြစ်သလား။ အခြားကဗျာရေးသူတွေကိုလည်း ကိုယ်ကအသိအမှတ်ပြုဖို့လိုသလား။ အခြားကဗျာရေးသူတွေကို ဆရာတင်သင့်သလား ၊ ဆရာလုပ် သင့်သလား။ ကဗျာနဲ့ အခြားအနုပညာရပ်တွေဘယ်လို ပတ်သက်ကြသလဲ။ အနုပညာရပ်အားလုံးဟာ ပြောချင်တဲ့အကြောင်းတစ်ခု တည်းကို နည်းအမျိုးမျိုးနဲ့ပြောနေကြတာပဲလား။ ဘယ်အကြောင်းအရာဟာ ဘယ်အနုပညာနဲ့မှ ပိုကိုက်ညီတယ်ဆိုတာရှိသလား။ ကဗျာ နဲ့ အခြားအနုပညာရပ်တွေဟာ ပုံသဏ္ဍာန်ဖွဲ့စည်းမှုပဲကွာတာလား ၊ အခြေခံအနှစ်သာရအားဖြင့် ကွာတာလား။ ကဗျာရေးသူဟာပန်းချီ ဆရာ ၊ သို့မဟုတ် ဂီတဖန်တီးသူထံမှ သင်ယူနိုင်စရာတွေရှိသလား။ ကဗျာရေးသူဟာ သူ့ လက်တက်လာတာ ၊ ကျသွားတာကို သိနိုင် သလား။ ကဗျာရေးခြင်းမှာ လက်တက်လာတယ်ဆိုတာရှိသလား။ ကဗျာရေးခြင်းဖြစ်စဉ်မှာပဲ အဆင့်ဆင့်ပြောင်းလဲသွားတာလား။ ကဗျာ အကြောင်းပိုနားလည်လာတာနဲ့အမျှ ကဗျာလက်ကတက်လာသလား။ ကိုယ့်ကိုကိုယ် လက်တက်လာပြီလို့ထင်နေတာဟာ တကယ် တော့ လက်ကျလာတာကော မဖြစ်နိုင်ဘူးလား။ ကိုယ်လက်တက်လာသလား ၊ ကျသွားသလားဆိုတာ အခြားတစ်ယောက်က ပိုသိနိုင် မလား။ ကဗျာရေးသူဟာ သူ့ကဗျာကို ပြင်ပ ပရိသတ်တစ်ဦးအနေနဲ့ ဖတ်တတ်သလား ၊ ဖတ်သင့်သလား ၊ ဖတ်ဖို့လိုသလား။ ကိုယ်ရေး တဲ့ ကဗျာကို ကိုယ်ဓမ္မဓိဋ္ဌာန်ကျကျ (ပုဂ္ဂလအစွဲဖြုတ်ပြီး)ဖတ်တတ်သလား။ ကဗျာရေးသူရဲ့ သူရေးတဲ့ ကဗျာအပေါ်ခံစားတာဟာ ဖတ်သူ ရဲ့ ခံစားမှုထက်ပိုအရေးကြီးသလား။ ကဗျာရေးသူရဲ့ သူ့ကဗျာအပေါ် ကဗျာရေးသူကိုယ်တိုင်ထက် ပိုနားလည်နိုင်တဲ့သူရှိနိုင်ပါ့မလား။ ကဗျာဗေဒပညာရှင်ဟာ ကဗျာရေးသူရဲ့ ကဗျာပုဒ်ကို ကဗျာရေးသူထက်ပိုသိနိုင်သလား။ ကဗျာရေးသူဟာ သူနှစ်သက်တဲ့ ဟန်ကိုပဲ စွဲစွဲ မြဲမြဲရေးသင့်သလား။ ဟန်တစ်မျိုးမက တတ်ကျွမ်းတာ ကဗျာရေးသူအတွက် အန္တာရာယ်ရှိသလား။ နာမည်ရကဗျာရဲ့ ဟန်ကိုပဲဆက် လက်သုံးစွဲသင့်သလား။ ကဗျာရေးသူဟာ ဟန်တစ်မျိုးကနေတစ်မျိုးပြောင်းသင့်သလား။ သူ့ပရိသတ် လက်ခံတဲ့ ဟန်ကိုပဲ ဆက်လက် သုံးစွဲသင့်သလား။ ဟန်သစ်တစ်ခုခုကို သုံးစွဲရင် ယုံကြည်မှုနဲ့ သုံးတာလား ၊ `စမ်းသပ်´ကြည့်ဖို့သုံးတာလား။ ဟန်တစ်မျိုးကို ပီပီပြင်ပြင် တတ်ကျွမ်းနိုင်ဖို့ အချိန်လုံလုံလောက်လောက်ရှိနိုင်သလား။ ဟန်တစ်မျိုးထက်ပိုတတ်ကျွမ်းဖို့ အချိန် လုံလုံလောက်လောက်ရှိသလား။ ဟန်ပြောင်းရေးရင် ပရိသတ်ကို သစ္စာဖေါက်ရာကျမလား။ ပရိသတ်ကို စိတ်လန်းဆန်းသွားစေသလား။ စိတ်ရှုပ်ထွေးသွားစေသလား။ ပရိသတ်နဲ့ မိတ်ပျက်သွားစေသလား။ ကဗျာရေးခြင်းမှာ model စံ ပုံစံတစ်ခုခုထားရှိသင့်သလား။ ဘယ်ဟာကို စံ ပုံစံအဖြစ်ထားရှိမလဲ။ စံ ပုံစံအတိုင်းလိုက်ရေးရင် ကိုယ်ပြောချင်တာ ပြောနိုင်ပါ့မလား။ စံပုံစံဟာ ကိုယ့်ကို ကန့်သတ်ချုပ်ချယ်သလား။ ဘာစံပုံစံမှမထားပဲရေး တာ ပိုကောင်းသလား။ ကဗျာရေးသူမြင်တဲ့ အရှိတရားရဲ့ ကောက်ကြောင်းနဲ့ စံ ပုံစံဟာ သဟဇာတဖြစ်ပါ့မလား ၊ ဖြစ်သလား။ ကဗျာရေး သူဟာ ဘယ်လို Voice  လေသံမျိုးနဲ့ရေးသင့်သလဲ။ စကားပြောလေသံနဲ့ အရေးအသားလေသံဘာကွာသလဲ။ စကားပြောလေသံကသာ စစ်မှန်သလား။ ကိုယ်စကားပြောသလိုကဗျာရေး(ရ) တာလား။ စကားပြောလေသံကို ပြုပြင်ပြောင်းလဲ ယူသလား။ ပြုပြင်ပြောင်းလဲလိုက် ရင် ကိုယ့်မူလစကားပြောလေသံဖြစ်ပါဦးမလား။ စံ ပုံစံရဲ့ လေသံကို ကိုယ်ယူမိရာရောက်မလား။ ကဗျာရေးသူဟာ သူ့ရဲ့လေသံအစစ် အမှန်ကို သူတည်ဆောက်ယူနိုင်သလား။ စကားပြောလေသံတစ်ခုခုကို မွေးစားသင့်သလား။  ကဗျာပုဒ်တစ်မျိုးစီမှာ စကားပြောလေသံ တစ်မျိုးစီရှိသင့်သလား။ ကိုယ့်ကဗျာရဲ့ အမှတ်တံဆိပ်အဖြစ် ကိုယ်ရေးတဲ့ ကဗျာပုဒ်တိုင်းမှာ ကိုယ့်စကားပြောလေသံတစ်သံတည်းထွက် ဖို့လိုသလား။ ကဗျာပုဒ်တစ်ပုဒ်ထဲမှာပဲ လေသံအမျိုးမျိုးပြောင်းသုံးလို့ရသလား ၊ သုံးသင့်သလား။ ကဗျာတစ်ပုဒ်မှာ လေသံတစ်ခုတည်း တသမတ်ရှိဖို့လိုသလား ၊ ရှိသင့်သလား ၊ ရှိရသလား။ ကဗျာပုဒ်ကို စာဖတ်သလို ရွတ်ဖတ်သင့်သလား ၊ စကားပြောသလို ပြောဆိုသင့် သလား။ ကဗျာရေးသူကိုယ်တိုင်ရွတ်ဖတ်တာနဲ့ အခြားတစ်ယောက်ရွတ်ဖတ်တာ တူနိုင်သလား။ ပြဇာတ်ဆန်ဆန်အရွတ်အဖတ်ကော ကောင်းနိုင်ပါ့မလား။ ပြဇာတ်မှာ အရွတ်အဖတ်ကျွမ်းကျင်သူဟာ ကဗျာရေးသူကိုယ်တိုင်ထက် ကဗျာပုဒ်ကို ပိုကောင်းအောင်ရွတ်ဖတ် နိုင်သလား။ သာမန်အဆင့်ကဗျာကို ရွတ်ဖတ်လိုက်မှ ပိုကောင်းသွားတာရှိနိုင်သလား။ ရှိရင် အဲဒီကဗျာပုဒ်ရဲ့ သတ္တိဟာ စာလုံးထဲမှာ ရှိတာလား ၊ အသံထဲမှာ ရှိတာလား။ ကဗျာအရင်လာသလား ၊ အဓိပ္ပါယ်အရင်လာသလား။ ကဗျာမရေးခင် ပါဝင်ထည့်သွင်းလိုတဲ့ အကြောင်းအရာတွေ ကြိုတင်စာရင်းပြုစုသင့်သလား။ ရေးပြီးမှ လိုရာဖြည့်ဆည်းသင့်သလား။ မူလဆိုလိုရင်းကို စကားပြောနဲ့ စဉ်းစား ပြီးမှ ကဗျာအဖြစ်ပြုလုပ်ရေးသားတာလား။ ပုံသဏ္ဍာန်နဲ့ အဓိပ္ပါယ်ဘယ်လိုဆက်စပ်သလဲ။ ခွဲပြောလို့ရသလား။ ခွဲလို့မရဘူးလား။




  ဇေယျာလင်း

ကဗျာဆိုင်ရာမေးခွန်းများအတွဲ (၁)

ကဗျာဆိုင်ရာမေးခွန်းများအတွဲ (၁)

ကဗျာဟာ လူတစ်ယောက်ရဲ့ စိတ်နေသဘောထားကို ပြောင်းလဲသင့်သလား။ တစ်ခုခုထ လှုပ်ရှားဆောင်ရွက်ဖို့ တွန်းအားပေး သင့်သလား။ တော်လှန်ရေးတစ်ရပ်ရပ်ကို စတင်သင့်သလား။ ဥာဏ်ကို ထက်မြက်အောင်ပြုလုပ်သင့်သလား။ ခံစားမှုတစ်ခုခုကို နှိုးဆွ သင့်သလား။ ကဗျာရေးသူနဲ့ ဖတ်သူရဲ့ ဆက်ဆံရေးဟာ ဘယ်လိုရှိသလဲ။ ကဗျာရေးသူဟာ ဖတ်သူအထက်မှာရှိပြီး ဖတ်သူကိုအထက် စီးက ဟောပြောပို့ချနေသူလား။ ကဗျာရေးသူဟာ ဖတ်သူနဲ့ ဆက်ဆံရေးအနေအထားတစ်ခု ကြိုတင်ရယူထားသင့်သလား။ ဖတ်သူဟာ ကဗျာပုဒ်ရဲ့ အစိပ်အပိုင်းတစ်ခုလား။ ဖတ်သူဟာ ရေးသူရဲ့ လက်အောက်ခံအဖြစ်ရှိနေရတာ ကျေနပ်သလား။ ရေးသူရဲ့ မြှင့်တင်ပေးမှု ရှိမှ ဖတ်သူဟာ မြင့်တက်လာရသလား။ ဖတ်သူတစ်ဦးဦးကို ရည်ရွယ်ပြီး ကဗျာရေးတာလား။ မဟုတ်ရင် ဘယ်သူ့အတွက် ရည်ရွယ်သ လဲ။ ဖတ်သူကို ထည့်စဉ်းစားပြီး ကဗျာရေးဖို့လိုသလား။ ကဗျာရေးသူဟာ ပရိသတ်ကိုမငဲ့ပဲ မိမိကိုယ်ပိုင်ဆန္ဒအလျောက်ရေးသင့်သလား။ ကဗျာရေးသူဟာ ရေးနေစဉ်မှာ ပရိသတ်ကို ငဲ့သင့်လို့ငဲ့ရတယ်ဆိုရင် အဲသလို ငဲ့ရေးတဲ့အတွက် ပရိသတ်ရဲ့ ကဗျာဖတ်မှုစွမ်းရည်မြင့် တက်လာမလား ၊ နိမ့်ကျသွားမလား။ ကဗျာရေးသူဟာ ဘယ်သူ့လက်အောက်မှာမှ အလုပ်မလုပ်ပဲ နေသူလား။ ကဗျာရေးသူဟာ အဖွဲ့ အစည်းတစ်ခုခု ၊ သို့မဟုတ် အစိုးရရဲ့ အထောက်အပံ့ယူပြီး ကဗျာရေးတဲ့ အလုပ်လုပ်သင့်သလား။ ကဗျာရေးသူဟာ အဖွဲ့အစည်းတစ် ခုခုရဲ့ ဆုချီးမြှင့်ခြင်းခံရရင် အဲဒီအဖွဲ့အစည်းအတွက် ကဗျာရေးပေးဖို့ လိုသလား။ ကဗျာရေးသူ သုံးစွဲတဲ့ စကားလုံးတွေရဲ့ အဓိပ္ပါယ်တွေ ကို ဘယ်သူ(တွေ)က သတ်မှတ်သလဲ။ လူ့အဖွဲ့အစည်းက အနက်အဓိပ္ပါယ်သတ်မှတ်ပြီးသားစကားလုံးတွေရဲ့ အနက်အဓိပ္ပါယ်တွေကို  ကဗျာရေးသူက ပြင်ခွင့်/ပြောင်းလဲသုံးစွဲခွင့်ရှိသလား။ ကဗျာရေးသူဟာ သူမှီတင်းနေထိုင်တဲ့ လူအဖွဲ့အစည်းရဲ့ ဘာသာစကားကို သုံးစွဲ ပြီး ကဗျာရေးရင် သူဟာ သူ့ လူ့အဖွဲ့အစည်းနဲ့ပဲ တိုက်ရိုက်ချိတ်ဆက်နေရမလား။ ကဗျာရေးသူဟာ ရှိရင်းစွဲစကားလုံးတွေကို ထူးခြားစွာ သုံးစွဲတဲ့အတွက် ဘာသာစကားသစ်တီထွင်သလား။ ဘာသာစကားဟာ ကဗျာရေးခြင်းအတွက် အနှောင့်အယှက်ဖြစ်သလား ၊ ဒါမှမ ဟုတ် ကဗျာဖြစ်နိုင်ချေရဲ့ အသက်သွေးကြောလား။ ကဗျာပုဒ်မှာ အသုံးချမှု တန်ဘိုးရှိသလား။ ကဗျာပုဒ်ကို ဘယ်လိုအသုံးပြု(လို့) ရသ လဲ။ ကဗျာဟာ လက်နက်ကရိယာလား။ ကဗျာပုဒ်ကို တစ်နည်းနည်းနဲ့ အသုံးပြုလို့ရရင် ကဗျာအနုပညာရဲ့ တန်ဘိုးလျော့သွားသလား။ ကဗျာအနုပညာဟာ အနုပညာသက်သက်အတွက် တည်ရှိသလား။ ဘယ်အရာမဆို ယင်းရဲ့ လုပ်ငန်းဆောင်တာ(တွေ)ရှိသလား။ ကဗျာ ပုဒ်တွေမှာ ဘာတာဝန်မှ မရှိရင် ကဗျာရေးသူမှာကော တာဝန်ရှိသလား။ ကဗျာဟာ အပြောင်းအလဲ တစ်ရပ်ရပ်ကို ဆောင်ရွက်နိုင်သ လား။ ကဗျာပုဒ်ကို ဖတ်ပြီးတဲ့အခါ ဖတ်သူရဲ့ ဘ၀နေထိုင်မှုမှာ အပြောင်းအလဲတစ်ခုခုဖြစ်သွားသလား။ ကဗျာပုဒ်ကြောင့် လူ့အဖွဲ့အ စည်းမှာ အပြောင်းအလဲတစ်ခုခုဖြစ်သွားသလား။ ကဗျာဟာ လူ့အဖွဲ့အစည်းတစ်ရပ်လုံးနဲ့ ဆိုင်သလား ၊ ဒါမှမဟုတ် ကဗျာလောက/ ကဗျာအသိုင်းအ၀ိုင်းနဲ့ပဲ ပတ်သက်သလား။ လူ့အဖွဲ့အစည်းမှာ ကဗျာဟာ ကြီးမားတဲ့ အရာတစ်ခုလား ၊ ကြီးမားတဲ့ ကဏ္ဍတစ်ခုဖြစ် သလား။ လူ့အဖွဲ့အစည်းဖြစ်ဖြစ် ၊ ကဗျာလောက/ကဗျာအသိုင်းအ၀ိုင်းဖြစ်ဖြစ်မှာ ကဗျာရဲ့ ကဏ္ဍကို ကဗျာရေးသူတစ်ဦးတည်းက တာ ၀န်ယူနိုင်သလား။ ကဗျာကြောင့် အပြောင်းအလဲတစ်ရပ်ရပ်ဖြစ်ခဲ့သည်ရှိဦးတော့ ၊ ဒီအပြောင်းအလဲဟာ ချက်ချင်းဖြစ်သလား ၊ ဖြစ်စဉ် တစ်ခုလို တစ်ဆင့်ပြီး တစ်ဆင့်ဖြစ်သလား။ ကြီးမားတဲ့ အပြောင်းအလဲလား။ ကဗျာဟာ လမ်းပြအဖြစ်ပဲ ဆောင်ရွက်နိုင်သလား။ ကဗျာ ရေးခြင်းကိုယ်တိုင်ဟာ ပြောင်းလဲမှုအတွက် ကျိုးစားအားထုတ်တာလား။ ကဗျာရေးခြင်းဟာ အလုပ်လား ၊ အပမ်းဖြေမှုလား။ ကဗျာရေး ခြင်းဟာ အသက်မွေးဝမ်းကျောင်းတစ်ခုဖြစ်သလား။ ဖြစ်သင့်သလား။ ဖြစ်နိုင်သလား။ ငွေပေါ်မှီခိုနေရခြင်းဟာ ကဗျာရေးခြင်းကို ယုတ် လျော့စေသလား ၊ ထက်မြက်စေသလား။ ငွေကြောင့်ကဗျာရေးဖို့ ဈာန်ဝင်စားမှု ပိုမိုရရှိသလား။ ငွေကြေးလိုအပ်ချက်ကြောင့်ရေးတဲ့ ကဗျာဟာ အပမ်းဖြေအပျော်ရေးတဲ့ ကဗျာထက်ပိုကောင်းသလား။ ကဗျာရေးခြင်းကို မိမိဘ၀ရဲ့ အလုပ်လို့/ ကဗျာရေးခြင်းမှာ မိမိဘ၀ ကို နှစ်မြှုပ်ထားရှိသင့်သလား။ ဒါဟာ အရေးကြီးသလား။ ကဗျာရေးသူဟာ အသက်မွေးဝမ်းကျောင်းပြီး ငွေရှာသူတွေနဲ့ တန်းသူ အဆင့် အတန်းရှိသလား။ ပရိုဖယ်ရှင်နလ်ကဗျာရေးသူဟာ သူ့ကဗျာလောက/ကဗျာအသိုင်းနဲ့က လွဲလို့ ပိုမိုကျယ်ပြန်တဲ့ လူ့အဖွဲ့အစည်းကြီးနဲ့ အဆက်ပြတ်နေသူလား။ ငွေကြေး ၊ မိသားစု ၊ စားဝတ်နေရေး ၊ ဆာလောင်မွတ်သိပ်မှု ၊ AIDS စတာတွေနဲ့ ကင်းကင်းရှင်းရှင်းနေသူ လား။ ကဗျာရေးရင် modern မဖြစ်ဖြစ်အောင်ရေးဖို့ လိုသလား။ ရှေးဟောင်းကဗျာပုံသဏ္ဍာန်တွေဆက်သုံးလို့ရသလား။ ရှေးဟောင်း ကဗျာပုံသဏ္ဍာန်တွေဟာ ဖန်တီးမှုစွမ်းအားတွေ ကျဆင်းသွားခဲ့ကြသလား။ ဒီခေတ်ဦးဏှောက်တွေကို ဆက်လက်ဖွင့်လို့ရတဲ့ သော့ တွေဖြစ်သေးလား။ ကဗျာရေးသူဟာ modern လို့ဆိုတဲ့ နည်းတွေ သုံးရမလား ၊ ဒါမှမဟုတ် နည်းသစ်တွေအမြှဲရှာဖွေနေရသလား။ modern ပုံသဏ္ဍာန်နဲ့ ရေးရုံနဲ့ modern ကဗျာဖြစ်သလား။ ပုံသဏ္ဍာန်ဟာ modern ဖြစ်ပြီး အကြောင်းအရာဟာ modern ဖြစ်မနေ ရင်ကော။ modern အကြောင်းအရာဆိုတာဘာလဲ။ modern အကြောင်းအရာကို ရှေးဟောင်းပုံသဏ္ဍာန်နဲ့ ရေးလို့မရဘူးလား။ ဆင်စဘစ်လတီပဲ modern ဖြစ်နေဖို့လိုသလား။ အဲဒါဘာကို ဆိုလိုတာလဲ။ ဒီနေ့ကဗျာရေးတိုင်း modern ဖြစ်သလား။ ကဗျာအစဉ် အလာကြောင့် အရေးအသားဟာ ကဗျာမည်တာလား။ အစဉ်အလာကဗျာကြောင့် ကဗျာကို နှစ်သက်ကြတာလား။ ဘယ်ကဗျာမဆိုဟာ အစဉ်အလာနဲ့ တစ်နည်းမဟုတ်တစ်နည်း ဆက်နွယ်ဆက်စပ်နေသလား။ ကဗျာရေးသူဟာ သူနေထိုင်တဲ့ ခေတ်အကြောင်းပဲရေးမလား။ ကဗျာရေးသူဟာ သူ့ခေတ်ကို ကျော်လွန်ပြီး ရေးသားသလား။ ကဗျာရေးသူဟာ အတိတ်ခေတ်အကြောင်းအရာတွေ ရေးသလား။ ကဗျာ ရေးသူရဲ့ စိတ်ဟာ သူ့ကိုယ်ပိုင် မွေးရာပါလား ၊ လူ့အဖွဲ့အစည်းရဲ့ တည်ဆောက်မှုလား။ ခေတ်ကာလရဲ့ အစိပ်အပိုင်းလား။ ကဗျာရေး သူဟာ သူ့ခေတ်ကို သူသိသမျှပဲရေးသလား ၊ ခေတ်ကြီးတစ်ခုလုံးကို ကျယ်ကျယ်ပြန့်ပြန့်နဲ့  ခြုံခြုံငုံငုံ ရေးသလား။ ကဗျာရေးသူဟာ နေရပ်ဒေသတစ်ခုတည်းအကြောင်းပဲရေးသလား။ နေရပ်ဒေသကို ကျော်လွန်ပြီး ရေးသလား။ နေရပ်ဒေသကပဲ ကဗျာရေးဖို့ အကြောင်း ရရှိတာဖြစ်သလား။ ကဗျာဟာ ယဉ်ကျေးမှုတစ်ခုခုနဲ့ပဲ ဆက်စပ်နေရသလား။ ကဗျာဟာ မူလဘာသာစကားနဲ့ မူလယဉ်ကျေးမှုကို ကျော် လွန်သလား။ မိမိရဲ့ ပုဂ္ဂလအမှတ်အသား identity ကိုပဲ မိမိဖက်တွယ်ထားသင့်သလား။ ဒါဟာ မိမိကို ပိုလွတ်မြောက်စေသလား ၊ ကန့် သတ်ချုပ်ချယ်သလား။ မိမိတို့ရဲ့ identity ဆိုတာတွေဟာ ဘယ်လောက်စီးမျောမှုရှိသလဲ။ မိမိဘယ်သူဘယ်ဝါဆိုတာ မိမိကပဲ သတ်မှတ် တာလား ၊ ပတ်ဝန်းကျင်က သတ်မှတ်တာလား။ ကဗျာရေးသူဟာ ပြင်ပမှာ လူ့အဖွဲ့အစည်းရဲ့ စည်းမျဉ်းတွေ တသဝေမသိမ်းလိုက်နာပေ မယ့် သူ့ကဗျာထဲမှာ အဲဒီစည်းမျဉ်းတွေကို ဆန့်ကျင်ရေးသားသင့်သလား။ ဒါမှမဟုတ် ကဗျာမှာ လိုက်နာပြီး ပြင်ပမှာ ဆန့်ကျင်သလား။ နိုင်ငံခြားကဗျာတွေ လေ့လာတာ မိမိအတွက် ဘာအကျိုးရှိသလဲ။ မိမိရဲ့ ကဗျာကို ဖြည့်ဆည်းသလား ၊ ကြွယ်ဝစေသလား ၊ ချဲ့ထွင်စေ သလား။ ပုံမှန်မရရှိတဲ့ အမြင်တွေရရှိစေသလား။ ကဗျာရေးသူဟာ အစဉ်အလာကနေ ခွဲထွက်ရေးလိုချင်ရင် သူ့ဆန္ဒကို ပိတ်ပင်သင့်သ လား ၊ သူ့ကို`လမ်းမှန်´ရောက်အောင် လမ်းပြပို့ဆောင်ပေးသင့်သလား ၊ သူ့ဆန္ဒကို လွတ်လပ်ခွင့်ပေးသင့်သလား။ ကဗျာဟာ `မြင့်မား´ တဲ့အကြောင်းအရာတွေနဲ့ပဲ ပတ်သက်ရသလား။ ကဗျာဟာ လူ့အဖွဲ့အစည်းကို မြှင့်တင်သင့်သလား။ ကဗျာအနုပညာကိုယ်တိုင်ဟာ `မြင့်မား´တဲ့အရာတစ်ခုလား။ ဥပမာ ၊ နိုင်ငံရေးထက် `မြင့်မား´သလား။ ကဗျာဟာ မြေသားဆန်သင့်သလား။ မြေသားဆန်လိုက်ရင် ကဗျာအနုပညာရဲ့ `မြင့်မြတ်မှု´ဟာ လျော့ကျသွားမလား။ မြေသားဆန်ခြင်းဟာ ကဗျာရဲ့ `မြင့်မြတ်မှု´လား။ ကဗျာဟာ ခံစားမှုအားလုံး ၊ စကားလုံးသုံးစွဲပြောဆိုမှု အားလုံးကို ဖေါ်ပြနိုင်သလား။ ဖေါ်ပြသင့်သလား။ ကဗျာဟာ တိုးတက်သလား။



ဇေယျာလင်း
12 – Dec – 13

လိမ်ညာပြီး စမ်းသပ်ထားတဲ့ ပူဖောင်း လေတိုက်တာနဲ့ကွဲသွားတယ်

အဲ့လိုနဲ့စ ပစ် တာ ဘယ်သူ့ကိုမှန်တာလဲ ပတ်လည်ရိုက်ပြီး တရစပ် ပစ် နေတာ လေ တွေ
ကြီးတယ် ဒါ အရေး ကြီးတယ် ပစ် နေသမျှ မှန်မှန် ပစ် လေ တွေ တိုက်တိုင်းလဲလဲ သွားရင်
မလွယ်ဘူး
ကိုယ်ကနေစပြီး ရာစုနှစ်ပေါင်းများစွာကို ရေတွက် ဇက်ကြောတက်လိမ့်မယ်
မနေ့ကမှ ချိတ်မိတာ လိုင်းကခုထိမတက်သေးဘူး သိပ်စပ်တယ် ကိုယ်မကြိုက်တဲ့ ရခိုင်သုတ်တွေ
ဟို မသာ မတရားစားတာ သဘောကျစရာ လေ တွေ ဆက်ပစ်တယ် ရုပ်ရှင်ရုံထဲထိ ဒါမှမဟုတ်
ရုံဘေးက ကော်ဖီဆိုင်မှာ ပါးစပ်ကို လက်အုပ်ပြီးမရယ်နဲ့ ဒါလှောင်တာ ပြောသမျှထိုင်ရယ်တာလဲ
တူးဘစ်သီချင်းလို နေရာတကာမှာ ဆရာကြီးလုပ်တတ်တယ်
မလှောင်နဲ့ ဂျွတ်စ်တွေ
တစ်ခေါက်ပြီးရင် တစ်ခေါက်ထပ်ပစ် မေခလာကိုကယ်ခွင့်မပေးနဲ့ သူ့ပါလွင့်သွားအောင်တိုက်မယ်
မကျေနပ်ဘူးဆိုရင် မကျေနပ်လိုက်ရမှ
သဘာဝကျမှာ တိုက်ဆိုင်ရင် အိမ်သာထဲတောင် ဖုန်းကိုင်ရတယ် မခေါ်ဘူး
လာမခေါ်နဲ့
ဖုန်းဆိုတာ Ringtone နဲ့မှပြည့်စုံတာ
အို.....
စောက်ရှက်များမရှိလို့ကတော့လေ တစ်လောကလုံးကို ဆရာကြီး တက်လုပ်ပစ်လိုက်မယ်   

စောက်ဖတ်လုပ်ပါဆိုတာကနေစတော့ ကြမ်းတယ် ရမ်းတယ် အော်ချင်တာအော် ပြောချင်တာ
ပြောပြီးတော့ ဘ၀ကို
ကဗျာလိုင်းလိုစီထားကြည့်ပါလား တစ်ချို့မဆိုင်တဲ့ စာသားတွေ မဆိုင်တဲ့ပုံရိပ်တွေ
ဒီတစ်လမ်းကိုနင်းနေရင်း နောက်လမ်းပြောင်းတဲ့ စောက်ကျိုးနည်း ကဗျာတစ်ပုဒ်လို
စောက်ကျိုးနည်း
ဘ၀ကိုဖန်တီးကြည့် ဘယ်သူမှ လာမကြည့်ဘူး မင်းကဗျာမင်းဖတ်နေတာ ငေးငေးရင်း
ထွားထွားလိုက်လာတာ အပျိုမရင်အုံဆိုပြီး ငမ်းနေရင်း မှတ်တိုင်ရောက်လို့ဆင်းသွား
တက်လာ နဲ့ အဲကွန်းဘတ်စ် တွေ့တာနဲ့ ရောက်ချင်ရာရောက် တက်စီး
ဘ၀ကို တက်စီးလိုက်သွား
ထိကြည့် ကိုင်ကြည့်လို့တော့ မိကောင်းမိမယ် ဓာတ်လှေကားနံရံမှာ ရေးထားတဲ့
နာမည်ဘယ်လိုခေါ်လဲ
စာသားအောက်မှာ ဘောပဲ လို့ပြန်ဖြေခဲ့ စောက်ကျင့်ကိုမကောင်းဘူး အမြဲ
အဲ့လို

အားလုံးစု မှတ် ပြီး တစ်ခါတည်း ဖျက်ချပစ်
သိပ်လွယ်တယ် သိပ်သိမ်ငယ်တယ်
ပြတင်းတစ်ခါးတွေဆက်တိုက် ဆိုသလို ဆောင့်ပိတ်ခံရတယ်
သိပ်ကြောက်ရွံ့တယ် သိပ်နားမလည်ဘူး
မှတ်တိုင်မှာ တစ်ယောက်ကိုတစ်ယောက်တိုးကြိတ် ပျော်ရွှင်သွားတယ် ငါ လည်းဖြတ်ကူးလိုက်တယ်
အကျယ်ကြီး
ဟွန်းသံဟာ ငါ့ကို
သိပ်ခြောက်ခြားတယ် သိပ်ဆန်းပြားတယ်
အားလုံးစုမှတ်ပြီး အကူးခံလိုက်ရတယ် ခုန်ပေါက်ပျော်ရွှင်နေတဲ့ စကားလုံးတွေ
သိပ်အထီးကျန်တယ် သိပ်ခံစားလွယ်တယ် ဂီတနဲ့အတူ ခုန်ပေါက်ပြီးထွက်လာတဲ့
ငွေစတွေကြေးစတွေ
သိပ်ဖောက်ပြန်တယ် သိပ်မိုက်ရိုင်းတယ် ငါ့ခြေအိတ်တွေ အကုန်လုံး တစ်ရက်တည်းမှာ
ကြွက်ကိုက်ခံလိုက်ရသလို သိပ်ရက်စက်တယ် သိပ်အတ္တကြီးတယ်
စပေစ့်တွေ စကားလုံးတွေကြားက ကမ္ဘာမြေကြီးနဲ့လူတွေကြားက မှန်အနက်နဲ့ကားပေါ်က ခွေးနဲ့
အမှိုက်တွေတိုးနေတဲ့ သတ္တ၀ါ ကြားက စပေစ့်တွေ သူနဲ့ငါ ကြားက
        စပေစ့်တွေ
ငါ လည်း သိပ်မုန်းတီးတယ် သိပ်ပေါက်ကွဲတယ် ကြားချ လိုင်းခွဲသွားတာ
ဘာမက်ဆေ့မှပြန်မပို့နဲ့
ဒီတိုင်းခေါင်းငုံ့ပြီး ပျော်ချပစ်လိုက် ငါ ကြေ ကွဲ ပေး မယ်
သိပ်စိတ်ကူးယဉ်ဆန်တယ် သိပ်တန်ဖိုးထားတယ်

 

မောင်အောင်ပြည့်

 

သွားလမ်းသာပြီးလာလမ်းဖြောင့်ပါလေစ

အခြေအနေတွေက ရှုပ်ထွေးနေပြီ ပက်ကြားအက် ကြမ်းပြင်ပေါ် ထတောက်တဲ့ရေပွက်လို
နီနီရဲရဲ ငရဲမီးလို လောက်မြိုက် မှောင်မိုက်နေပြီတဲ့ လမ်းကြီး လေကြီး ပေါ် အထမ်းကြီးထမ်းပြီး
မရမ်းသီးစားတဲ့ ဘုတ်ဆုံမ အာသာဝတီ ဘာညာဒေ၀ီတွေ အတွက် ညဟာ ၁၀ နာရီထက် မပိုဘူး
ခပ်လှမ်းလှမ်းက ငနဲကြီး သရဲကြီးထက် ခြောက်လို့ အမှောင်ကို ဟန်ဆောင်ကပ်ပြီး
မိုးလင်းပေါက် မုန့်ဟင်းခါးရောင်းတဲ့ ဘွားတော်ကိုကပ် သားတော်ကိုပင့်ချည် မြှောက်ချည်
ခြေမကိုခြေညိုးနဲ့ လိမ်နေတာမြင်တာနဲ့တင် တလှပ်လှပ်နဲ့ နုတယ် မခိုင်ဘူး သိပ်ရင်ခုန်လွယ်တာ
နှုတ်သီးစူတာလည်း ကဗျာလုပ်ဖို့ ရပ်ကွက်ကို မီးရှို့တာလည်း ကဗျာလုပ်ဖို့
ပိုစ့် ဆိုပြီးမြင်တာနဲ့ ပြေးဖက် အဖော်တန်းလန်းနဲ့ ထစ်ခနဲဆိုတန်းအထင်ကြီးပစ်လိုက်တာ
ဘယ်လမ်းမှမသွားဘူး ကိုယ့်လမ်းနဲ့ကိုယ် ကိုယ့်တာဝန်နဲ့ကိုယ် စိတ်တိုင်းကျမှုဟာ
ကိုယ့်စံနှုန်းပဲ မခေါ်နဲ့ မလိုက်ဘူး မလာနဲ့ မနေဘူး ပိုးဖြစ်မှတော့ ငရဲမီးကြောက်ဦးမလား
အာပဲ အာကြီးပဲ ဝေလိုက်ဖန်လိုက် နဲ့ ဖြစ်တောင်မဖြစ်သေးဘူး ဘူကြီးဆိုပြီး လိုက်သိမ်းနေတာ
ဒိုင်း ဒိုင်း ငါ ဗိုလ်အောင်ဒင်ပဲ ဘယ်သူမှ မကြောက်ဘူး သိတယ်
အရူးတစ်ကောင်ရဲ့ညစာဟာ စောက်သုံးမကျတဲ့ ဆုတောင်းပြည့်ခြင်းတွေပဲရှိမယ်
ဥပမာ ငါ့စာသားတွေ လိုက်မစဉ်းစားပဲ လိုက်ခ်တာမျိုး
ငါ့ အတွေးကို ငါတောင် လိုက်မမှီဘူး
လက်သည်းထဲက ဆွဲထုတ်ထားတဲ့ စိတ်ကူးကို မီးခိုးလိုမှုတ်ထုတ်ပစ်လိုက်တယ်
နံရံတစ်ခုလုံး ငါ့ မျက်နှာကျက် တစ်ခုလုံး
ပန်းခင်းတွေ မီးထောက်တောက်တာ ထိုင်ဟားနေတဲ့
အာဝါဒါးငှက်ကို အနုပညာအကြောင်း အသံထွက်ခိုင်းထားတယ်
ခုန်ပေါက်နေတဲ့ ငါ့လက်ချောင်းတွေ ငါ့သွေးသားတွေ
ဂျီးအလိမ်းလိမ်းကပ်နေတဲ့ ငါ့မျက်နှာနဲ့ ဘယ်လိုမှ မပတ်သက်ဘူး
ငါ့အရေးအသားဟာ ငါ့လက်ကွက်တွေပေါ်ပဲမူတည်တယ်

 

မောင်အောင်ပြည့်

အိုင်ကြောင်တွေဟာ နည်းပညာမြင့် သွားကြားထိုးတံ ဆောင်ရန် မလိုအပ်ဟု ဆို

ကြောင်တွေကို ဘယ်မှာထားလဲ
သူတို့သွားကြားထိုးတံတွေ ဖွက်ခံထားရတယ် ။ ခု နှုတ်ခမ်းမွှေးတွေနှုတ်လို့မရတော့ဘူး
ရပ်သွားတဲ့
ငါးသေတ္တာဗူးတွေပေါ်မှာ
ကပ်နေတဲ့ကြွက်တွေ
ကြောင်ဟာ ငါးကိုချစ်စိတ်နဲ့ ရေဆင်းကူးနေတယ်
ဂိမ်းထဲက မြို့တော်ထဲမှာ ကြောင်တွေကို မှတ်ပုံတင်မပေးထားဘူး

Special Collection

• Ooredoo Myanmar က ပြည်တွင်းတွင် မိုဘိုင်းကွန်ရက် ဖြန့်ကျက်ရန် ကြောင်ကုမ္ပဏီ နှင့်စာချုပ် ချုပ်ဆိုခဲ့

• MarketBot မှ 3D သွားကြားထိုးတံ အသစ်များ ပြသ

• ၂၀၁၃ သည် ကြောင် ရောင်းချမှုအတွက် အဆိုးဆုံးနှစ်ဖြစ်လာခဲ့

• ဖေဖော်ဝါရီလ ၁ ရက် နှင့် ၂ ရက်နေ့တို့တွင် ကျင်းပမည့် Catcamp Yangon အတွက် Online Registration စတင်ပြုလုပ်နိုင်

• Redlink မှ ကြောင်အဖွဲ့အစည်း နှင့်ပူးပေါင်း၍ သွားကြားထိုးနည်း Workshop ကျင်းပမည်

ကြောင်သွားတဲ့ လမ်းမှာ ကားပျက်ရင် ၁ နာရီ ကြာတယ်
ကြောင်ကတော့ သွားကြားထိုးလျက်ပဲ

ခြင်းတောင်းထဲမှာ
ရပ်သွားတဲ့
ဆက်သွားလို့မရတာလား ၊ မသွားချင်သေးတာလား
ဒီထက်ဘာထပ်တွေးလို့ရသေးလဲ

Selection လုပ်ရွေးပေးနိုင်တဲ့ နည်းလမ်းတွေ အများကြီးရှိပါတယ်
တစ်ချို့သောလုပ်ဆောင်မှု အခြေအနေမျိုးမှာ သင့်အနေနဲ့
Tool တစ်ခုဟာ တခြားသော Tool ထက်ပိုမိုကောင်းမွန်တဲ့
လုပ်ဆောင်မှုမျိုးရှိနေတာကိုပါ တွေ့ရမှာဖြစ်ပါတယ်

ကြောင်သန်းရင် သွားပေါ်တယ်
သူတို့အမြီးမှာ သွားကြားထိုးတံချိတ်ပြီး

ပန်းချီဆွဲတယ် ကာတွန်းဆွဲတယ်
သွားကြားထိုးတယ်

Smack Down မသိတဲ့ကြောင်တွေကို
Dota 2 ပေးမကစားဘူး

720 x 1280 pixel ရုပ်ထွက်ကိုကြည့်ပြီး
သွားကြားထိုးနေတဲ့ကြောင်ကို
ရပ်သွားတဲ့
Android ရဲ့ 4.3 ( Jelly Bean ) Version ကိုအသုံးပြုထားတယ်

ကြောင် သွားကြားထိုးနည်း တက္ကသိုလ် ပညာသင်ဆု အတွက် ရန်ကုန် ၊ မန္တလေးရှိ ကမ္ဘာကျော် အွန်လိုင်းစတိုးဆိုင်ကြီး အမေဇုံတွင် တစ်ကောင်ချင်း ဆွေးနွေးမည်

Classified

အလိုရှိသည်

Marketing                        Female ( ) Post
Phone Service                      Male ( ) Post
Graphic Designer              
လျှောက်ထားသူသည် ဖမ်းဖူးသော ကြွက်တစ်ကောင်၊ သွားကြားထိုးတတ်ကြောင်း အထောက်အထားမိတ္တူ ၊ ကြောင်ဖြစ်ကြောင်း ထောက်ခံစာ တို့နှင့် အတူ နီးစပ်ရာ

ကြောင်သွားကြားထိုးတံများ ဈေးကောင်းပေးဝယ်သည်။အလဲအထပ်လုပ်ပေးသည်။
အိုင်ကြောင်များ၏ ပစ္စည်းများကို အပေါင်ထားခြင်းကို အဆင်ပြေအောင် ညှိနှိုင်းပေးမည်

ကြောင်တွေက ခြေသံလုံချင်တယ် … မရဘူး
သူတို့နားရွက်တွေကိုသိမ်းထားလို့မရတော့
ထိုင်ပြီး သွားကြားထိုးနေတယ်
နည်းပညာမြင့်ကြောင်သွားဟာ ပိုးမစားဘူး
သွားကြားမညပ်ဘူး
အိုင်ကြောင်တွေ အစားမှားရင်
Edit > Undo ဆီသွားလိုက်ရုံပါပဲ။
မကြာမကြာ အစားမှားကြောင်တွေအတွက် သူရဲ့
Shortcut ဖြစ်တဲ့ Cmd / Ctrl + Z ကိုမှတ်ထားလိုက်ပါ။



မောင်အောင်ပြည့်
15.1.2014


*15.1.2014 ထွက် Net Guide Journal ကို ကိုးကားရေးသားပါသည်။

ရေခူ နဲ့ ဂျူး နားရွက်

Google ထဲကနေခေါက်ချလိုက်
စာသားတွေ
မကျော်ဘူး ကျော်ကိုမကျော်ဘူး စာသားအဆင့်ကနေ
Moses ဖွက်ထားတဲ့ နားရွက်တွေအကြောင်းကို
Google မှာခေါက်ချတာ
Facebook မှာကြော်ငြာတာ
ဂျူးတွေဖန်တီးပေးတဲ့ တန်ဆာပလာတွေ သူတို့က
Wisdom ဖြစ်နေတာ
စာသားတွေနဲ့ ဘောင်တွေနဲ့ အရသာတွေနဲ့
Natalie Portman ရဲ့ နားရွက်
ကို ရေခူနဲ့ရောသုတ်တဲ့သတင်း
Google မှာရှာတွေ့ထားတယ်
Facebook မှာကြိုက်သလောက် လက်မထောင်ပိုင်ခွင့်ရှိတယ်
ဂျူးတွေ ဖွက်ထားတဲ့ နားရွက်တွေကို ရှာလို့တွေ့မှာတော့မဟုတ်ဘူး
စာသားတွေကနေ ခုန်တက်ရမှာ
ယဉ်နောက်လိုက်တစ်ယောက်ကို မကျေနပ်ရင်
ပိုက်ဆံပိုပေးလိုက်
မကြိုက်တဲ့အစားအသောက်အကြောင်း
တည့်တည့်မပြောနဲ့
John Cage က အဆောက်အဦတစ်ခု
စာသားတစ်ခု
ရှာမတွေ့သေးတဲ့ နားရွက်တစ်စုံ
ချိတ်တစ်ချောင်း လှေတစ်စင်း ရှိရုံနဲ့
ရေခူကိုဖမ်းလို့ရပြီ
ဖက်ဆစ်တွေ ရေခူနဲ့ နိုဘယ်လ်
ဆုတွေ ယူကုန်ကြပြီ
အဆိပ်ပြင်းရေခူထိပြီး အသက်ရှင်သေးတယ်
ဆိုရင် အဆိပ်ပြင်းရေခူမဟုတ်လို့ ပဲ
ဂျူးတွေမှာ နားရွက်မပါဘူး
ရေခူတွေ ကန်ထဲသွားထည့်ထားလိုက်
စာသားတွေကို စာသားတွေကပဲ ဖျက်ဆီးတာ
Moses ဖွက်ထားတဲ့ နားရွက် ကို
Google ထဲရိုက်ရှာ Facebook မှာကြော်ငြာ


မောင်အောင်ပြည့်
၁၂.၁.၁၄



 P.S  - တစ်ချို့ကိစ္စများ Foot Note နဲ့ ရှင်းဖို့တွေးပါသေးသည်။ သို့သော် မရှင်းချင်တော့ ဒီတိုင်းပျော်သည်။

ရေဒီယို

မင်္ဂလာ ပါ ဆက်လက် အသံလွှင့်နေ ပါ တယ် ပျော်စရာနေ့လေးဖြစ် ပါ စေ

ရေဒီယိုဟာ အသံကောင်းလွှင့် ပါ တယ် အသံမကောင်းတာ ပါ ရင် ရေဒီယိုမှာ ပါ

မိုးရွာ ပါ မယ် လေပြင်း ပါ မယ် အပူချိန်မြင့် ပါ မယ် ရေဒီယို

အသံမကောင်းတော့ ပါ လိုင်းမမိတော့ ပါ သတင်းမမှန်တော့ ပါ

သတင်းမှန်ရင် ရေဒီယို မဟုတ် ပါ ရေဒီယိုဟုတ်ရင် သတင်းမမှန် ပါ

ဝင်္ကာ ပါ လမ်းမှာ သတင်းသုံးနေတဲ့ ဆရာတော်အတွက် ပါ

ဆိုပြီး

ကိုယ့်အနားရှိစေချင် ပါ တယ် ဆိုလား

နောက်ဆုံးရသတင်းအရ ထိခိုက်ဒါဏ်ရာရသူမရှိ ပါ ဆိုလား

ရေဒီယိုဆိုတာ မကောင်းရင် ၀ဲရမှာ ပါ

ရေဒီယိုဆိုတာ လိုင်းမမှန်ရင် နေရာပုပ် ပါ တယ်

ရေဒီယိုက ခုဆို

လွှတ်တော် သတင်း ပါ ဆိုပြီး အဆိုပြိုင်ပွဲတွေ လာ

သမ္မတမိန့်ခွန်း ပါ ဆိုပြီး ချစ်စရာ့အရွယ် ကစားကြမယ်တွေ လာ

သတင်းစာရှင်လင်းပွဲ ပါ ဆိုပြီး ငါးတန်းနဲ့ပြိုင် ဘယ်သူနိုင် တွေ လာ

မိုးလေ၀သ ပါ ဆိုပြီး ဘောလုံးပွဲ ခန့်မှန်းချက်တွေ လာ

အတိုက်အခံပါတီတွေ့ ဆုံပွဲ ပါ ဆိုပြီး Minute to Win it တွေ လာ

ကြော်ငြာအစီအစဉ် ပါ ဆိုတော့ စီးပွားရေးဦးတည်ချက်

အသံက ပေါက်ဖော် အသံလို ကြောင်ကြောင်သွားသေး

စောက်သုံးမကျတဲ့ ရေဒီယိုဆိုပြီး ထုချေပစ်လိုက်ဖို့ရာကျတော့လည်း

တရုတ်ငလျင်အကြောင်း အမေရိကန် ဒုံးပျံတွေအကြောင်း

အာဖရိက အငတ်ဘေးသင့်သူများအကြောင်း ဆိုမာလီ ဓါးမြများအကြောင်း

မြောက်ကိုးရီးယား အာဏာရှင်အကြောင်း ဘင်္ဂလီတွေရဲ့လူ့အခွင့်အရေးအကြောင်း

တွေ ပါ ဆိုပြီး လာတဲ့ ပြည်ပအားကိုး ပဆိန်ရိုး အစီအစဉ် ကို လက်လွှတ်လို့မရ

တစ်သက်လုံးစုထားတာလေးတွေ ပါ ဆိုပြီးပြထားတဲ့ ကျွန်း ဘီဒိုကြီး ပေါ်မှာ

ရေဒီယိုကတော့ ပြောင်ပြောင် ပြောင်ပြောင်နဲ့

တစ်ရပ်ကွက်လုံးကို အသုံးတော်ခံ ပါ တယ်

ဒါ ရေဒီယို ပါ

ဒါ လေလှိုင်းတွေ ပါ

ဒါ အင်တင်နာ ပါ

ဒါ သတင်း ပါ ဒါ စကားဝိုင်း ပါ ဒါ ဘုရားပွဲ ပါ ဆိုပြီး

ပါ ပါ သွားလိုက်တာ ဆွမ်းကြီးလောင်းမဲ့ သူတွေ ပါ ကြက်ပျောက် ငှက်ပျောက်

ဟော … လမ်းထိပ်က အော်သံကြားတယ်

ငါ့ ရေဒီယိုလေး ပါ သွားပြီလား မသိ


မောင်အောင်ပြည့်
9.12.2013